Aýstraliia ǵalymdary koronavirýsqa qarsy eki vaktsinany testileýdi bastady, dep habarlaidy VVS agenttigi.
Dúniejúzilik densaýlyq saqtaý uiymy Oksford ýniversiteti men amerikalyq Inovio Pharmaceutical kompaniiasy shyǵarǵan vaktsinany janýarlarǵa testileýge ruqsat berdi. Al Aýstraliianyń ulttyq ǵylym agenttigi vaktsinany baǵalap, adamǵa qaýipsizdigin anyqtaityn bolady.
«Ótken aida AQSh-ta vaktsina adamǵa synalǵan edi. Ol kezde janýarlarǵa testileý satysy keiinge qaldyrylǵan bolatyn. Búgingi tańda búkil álemde basqa da vaktsinalar jasalyp jatyr», - dep jazady avtor. Maqalada aitylǵandai, Aýstraliiadaǵy synaqtan ótkizilip jatqan vaktsina janýarlarǵa testileý modelin de qamtyǵan alǵashqy keshendi zertteý bolady.
«Negizinen, vaktsinanyń tolyq daiyn bolýy úshin 1 jyldan eki jylǵa deiin ýaqyt ketedi. Biraq biz bul ýaqytty birneshe aiǵa qysqarttyq», - deidi ǵalymdar. Olardyń aitýynsha, janýarlarǵa jasalǵan testileýdiń nátijeleri maýsym aiynda belgili bolady.
