Sońǵy táýlikte elordada koronavirýs juqtyrýdyń 600-den astam jaǵdaiy anyqtaldy. Qalada infektsiianyń joǵary deńgeii baiqalady. Bul týraly Nur-Sultanda koronavirýs infektsiiasynyń paida bolýy men taralýyna jol bermeý jónindegi komissiia otyrysynda elordanyń bas memlekettik sanitarlyq dárigeri Sarhat Beisenova málim etti, dep habarlaidy QazAqparat.
«Búgingi tańda qalada infektsiianyń joǵary deńgeii basylar emes. Bir táýlik ishinde 7 386 zertteý júrgizildi, onyń 678-i — oń nátije, al onyń ishinde 77-si qaita taldaý nátijeleri. 601-i — alǵash ret anyqtalyp otyr. Simptomdary bar 422 jaǵdaidyń 11-i aldyn alý sharalary barysynda anyqtaldy. Bailanysta bolǵandar — 132, óz ótinishi boiynsha — 279. Bul shekteý jáne karantin sharalarynyń buzylýyn, jeke tulǵalardyń da, zańdy tulǵalardyń da aldyn alý sharalaryn saqtamaǵanyn rastaidy. Jurt úi jaǵdaiynda biz kórsetken sharalardy saqtamaidy», — dep atap ótti Sarhat Beisenova.
Onyń málimetinshe, 60 jastan asqan adamdar arasynda KVI aýrýynyń 2-3% ósýi baiqalady.
Qoǵamdyq densaýlyq saqtaý basqarmasynyń basshysy Timýr Muratov ta densaýlyq saqtaý júiesine shamadan tys kúsh túskenin atap ótti.
«Qazirgi ýaqytta 4 373 naýqas ambýlatorlyq em qabyldaýda. Qalada kún saiyn 250 brigada jumys isteidi jáne PTR alady. Statsionarlarda 1 112 adam — ortasha jáne ortasha aýyr jaǵdaida. Qazir jansaqtaý bóliminde jatqan adamdardyń sany 100-den asady, onyń ishinde 32 adam — ókpeni jasandy jeldetý apparatyna qosylǵan», — dedi Qalalyq qoǵamdyq densaýlyq saqtaý basqarmasynyń basshysy.
Onyń aitýynsha, qazir halyq mundai júktemeden beihabar. Sebebi densaýlyq saqtaý júiesi tyńǵylyqty daiyndalǵan. Al dárihanalar men statsionarlarda, bólshek saýdada dárilik zattar qory jetkilikti.
Bul rette dárigerler qala turǵyndaryn adam kóp jinalatyn jerlerge barmaýǵa, sanitarlyq normalar men karantindik talaptardy saqtaýǵa shaqyrady. Olar vaktsinatsiiany qaýipti infektsiiamen kúresýdiń eń tiimdi ádisi dep sanaidy. Bul qalypty ómirge tezirek oralýǵa kómektesedi.
