RAMS qurylys kompaniiasy óziniń eki qonaqúiin qaýipti indetti emdeitin aýrýhanaǵa ainaldyryp, COVID-19-ǵa qarsy is-qimylǵa úles qospaqshy. Bul týraly Almaty ákimi Baqytjan Saǵyntaev Instagram-daǵy paraqshasynda jazdy.
«RAMS qurylys kompaniiasy óziniń eki qonaqúiin qaýipti indetti emdeitin aýrýhanaǵa ainaldyryp, COVID-19-ǵa qarsy is-qimylǵa úles qospaqshy. Jalpy syiymdylyǵy 215 tósek-oryn, onyń ishinde 34 qarqyndy terapiia men reanimatsiia bar. Baqylaý men suryptaý bokstary, ota jasaý jáne emhanalyq bólimsheler qarastyrylǵan», – dep jazdy Baqytjan Saǵyntaev.
Onyń aitýynsha, barlyq úi-jailar bólek kiretin jáne zararsyzdandyrý júieleri bar úsh aimaqqa bólinedi. Taza aýa ainalymy úshin teris qysymy bar júie qarastyrylǵan. Bul personaldyń juqtyrý qaýpin azaitady.
«Gospitaldar zamanaýi jabdyqtarmen, sonyń ishinde KT jáne rentgen apparattarymen, ÝDZ, ÓJJ, sondai-aq meditsinalyq gazdar júiesimen jabdyqtalady. Túrkiiadan keletin dárigerlerdi qosa alǵanda, meditsinalyq qyzmetkerler quramy daiyn. Mundaǵy taǵy bir erekshelik, 90 minýttyń ishinde KVI-testiniń nátijelerin alýǵa múmkindik beretin jeke PTR zerthanalary bar. Qurylys-montaj jumystary aiaqtalǵannan keiin gospitaldardy 1 qazanǵa deiin ashý josparlanýda», – dep jazady ákim.
