Mektepter jabyldy, sport sharalary ótkizilmeidi, búkil álem boiynsha mádeni mekemeler jumysy toqtady. Munyń barlyǵy koronavirýstyń taralýyn toqtatý maqsatynda jasalyp jatyr, dep habarlaidy VVS.
«AQSh-ta sport sharalary ótkizilmeidi, Brodveidegi qoiylymdar bir aiǵa shegerildi. Frantsiiada mektepter, ýniversitetter, balabaqshalar jabyldy», - dep jazady basylym.
Avtordyń aitýynsha, Kanadanyń premer-Ministri Djastin Triýdo 14 kúndik karantinge jabyldy. Onyń áielinen koronavirýs anyqtaldy. Avstraliianyń ishki ister ministri de koronavirýspen aýrýhanaǵa jaqyzyldy.
«Dúniejúzilik densaýlyq saqtaý uiymynyń málimetinshe, 118 memlekette 125 myń adamǵa Covid-19 diagnozy qoiyldy. Álem boiynsha aktsiia baǵasy quldyrap jatyr. Amsterdamda Van Gog pen Reiksmýzeým mýzeileri naýryz aiynyń sońyna deiin jabyldy. AQSh-taǵy Metropoliten mýzeii de jumysyn toqtatty. Vashington men Niý-Iorktegi basqa mýziler senbiden bastap demalysqa ketedi», dep jazady avtor.
Niý-Iorktyń gýbernatory Endriý Kýomo 500-den astam adam jinalatyn jiyndarǵa tyiym saldy. Belgiia barlyq mádeni, kóńil-kóteretin sharalardy ótkizýge shekteý qoidy. Disnei de Florida men Parijdegi parkterin naýryzdyń sońyna deiin japty.
