Franklin jáne Stone haiýanattar baǵynyń qyzmetkerleri koronavirýs juqtyrýǵa beiim janýarlarǵa vaktsina sala bastady. Bul týraly Jańa Angliia (AQSh-tyń soltústik-shyǵys aimaǵy) haiýanattar baǵynyń saitynda habarlandy, dep jazady QazAqparat.
«Jańa Angliianyń Franklin jáne Stone haiýanattar baqtarynda janýarlar arasynda COVID-19 juqtyrý oqiǵalary bolmaǵanymen, bul vaktsina – virýs juqtyrýǵa beiim janýarlar túrlerin qorǵaý úshin mańyzdy aldyn alý sharasy», - dedi Jańa Angliia haiýanattar baǵynyń aǵa veterinary Kris Bonar.
Vaktsinany birinshi kezekte koronavirýs juqtyrý qaýpine ushyraǵan janýarlar alady. Vaktsinalaý úshin Ptizer-diń qurylymdyq bólimshesi bolyp tabylatyn Zoties veterinarlyq farmatsevtikalyq kompaniiasynyń preparaty qoldanylýda. Zoties tórt apta intervalmen eki dozamen salynady.
Qaýip sheńberindegi barlyq janýarlardy tolyq vaktsinalaý úshin úsh aidan tórt aiǵa deiin ýaqyt qajet bolady. Zoties veterinarlyq farmatsevtikalyq kompaniiasy 70-ke jýyq haiýanattar baǵy men janýarlardy qorǵaityn basqa da mekemelerdegi 100-den astam túrdi qorǵaýǵa kómektesý úshin koronavirýsqa qarsy vaktsinanyń 11 myńnan astam dozasyn bóldi.
