«Qazaqstan» teleradiokorporatsiiasy Almatyda «Qorqyt ata» telehikaiasy shyǵarmashylyq tobynyń otyrysyn ótkizdi, dep habarlaidy "Ult aqparat" korporatsiianyń baspasóz qyzmetine silteme jasap.
Jiynǵa QR Aqparat jáne qoǵamdyq damý ministri Aida Balaeva qatysty.
«Osy jyldyń basynda Túrkiiaǵa resmi saparmen barǵanda birqatar ortaq kelisimderge qol jetkizgen edik. Sonyń biri – túrki jurtyna ortaq tarihi tulǵalar týraly serialdar túsirý. Qorqyt ata – túrki áleminiń eń uly tulǵalarynyń biri, barlyq túrki halqyna ortaq tulǵa, ortaq mura. Sondyqtan bul týyndy tek bizdiń kórermenderge ǵana emes, basqa da elderde úlken suranys ákeledi dep senemin. Túrkiia, Ázirbaijan, Ózbekstan elderin osy jobaǵa shaqyryp, áriptestik ornatý jóninde usynys jasadyq. Qazir tiisti kelissózder júrip jatyr», - dedi ministr Balaeva telehikaianyń shyǵarashylyq tobymen kezdesýde sóilegen sózinde.
Joba prodiýseri - Sholpan Batyrbaeva. Bas keńesshisi – ónertanýshy, etnograf Berik Júsipov.
«Qazaqstan» teleradiokorporatsiiasy biyl jyl sońyna deiin 6 tarihi telehikaia usynady. Olardyń qatarynda Domalaq ana, Jáńgir han, Ahmet Baitursynuly, Qanysh Sátbaev, Jumabek Táshenev, Muqaǵali Maqataev syndy uly tulǵalarymyz bar. Tarihi jobalardyń shyǵarmashylyq top quramyn bekitý – eń kúrdeli protsess. Jyldan-jylǵa tarihi serialdar óndirisin arttyrý arqyly naryqta osy salaǵa, iaǵni, tarihi serialdar ódirisine beiimdelgen mamandardy kóbeittik, kompaniialar sany da artty. Bul - tarihi televiziialyq jobalar sapasynyń arta beretinin bildiredi. Osy maqsatta tiisti ministrliktiń qoldaýymen biyl tuńǵysh ret óndiriske úsh jyldyq merzim berilip otyr. Tórt bólimdi «Qorqyt ata» telehikaiasynyń biyl tek stsenariii jazylady», - dedi Basqarma tóraiymy Lázzat Tanysbai.
Otyrysqa etnograf Tynysbek Qońyratbaev, qinosynshy Dárejan Ómirbaev, jýrnalist, ádebiettanýshy Áliia Bópejanova, kinotanýshy Gúljan Naýryzbekova, jýrnalist Qainar Oljai, ónertanýshy, professor Saǵatbek Qaliev, stsenarist Bekzat Myrzahmet qatysty.
