Saltanatty rásimge Qorǵanys ministrliginiń basshylyǵy, QR Parlament depýtattary, áskeri qyzmetshiler men ardagerler, «Jas ulan» áskeri mektebiniń tárbielenýshileri, sondai-aq qaza bolǵandardyń týǵan-týystary qatysty.
«Otanyn qorǵaý – árbir azamattyń paryzy. Meniń ulym – ushqysh, áskeri mindetterin oryndaý kezinde qaza boldy. Biz osyndai memorialdyń ashylǵanyna qýanyshtymyz jáne rizamyz», – dedi aǵa leitenant Janbota Qasymovtyń ákesi.
Is-sharaǵa qatysýshylar eskertkishke gúl shoqtaryn qoiyp, erlikpen qaza tapqandardy bir minýt únsizdikpen eske aldy.
«Máńgi esimizde» memorialy Qorǵanys ministrliginiń ǵimaratynda áskeri mindettiń úlgili oryndalýynyń jáne Otanǵa sheksiz qyzmet etýdiń úlgisi retinde áskeri qyzmetshilerdiń aldynda ornatylǵan. Qaza bolǵandardyń árqaisysy qazirgi áskeri qyzmetshiler men bolashaq urpaqtyń jadynda máńgi qalady. Óitkeni, bul jaýyngerler, maidangerler men batyrlardyń dańqty dástúrin jalǵastyrýshylar.
Ol - qaza bolǵandar týraly derekter bazasy jinaqtalǵan qabyrǵa men aqparattyq blok. Ekranda qaitys bolǵan adam týraly aqparat kórsetiledi. Atap aitqanda, fotosýret, týǵan jeri men týǵan kúni, qyzmet etken orny, qashan jáne qandai jaǵdaida qaza bolǵany kórsetilgen. Memorialǵa daiyndyq júrgizip jáne jumys isteý barysynda jinalǵan barlyq málimetter men materialdar QR QK Áskeri-tarihi murajaiyna beriletin bolady.
Derekqor tek Qazaqstanda ǵana emes, sonymen qatar shetelde oqý-jaýyngerlik mindetterdi oryndaý kezinde jáne Iraktaǵy bitimgershilik missiiaǵa qatysqanda qaza tapqan 70 qazaqstandyq áskeri qyzmetshi týraly málimetterden turady. Onyń ishinde QR QK 17 áskeri qyzmetshi Tájik - Aýǵan ýchaskesinde TMD-nyń syrtqy shekarasyn kúzetýdi kúsheitý kezinde qaza tapqan.
