Qorǵanys ministrligi din ókili "jyn kirdi" dep baǵa bergen sarbazdyń áreketine qatysty pikir bildirdi, dep habarlaidy Sputnik Qazaqstan.
Shekara qyzmetinde boryshyn ótep júrgen sarbazdyń túsiniksiz áreketi túsirilgen video jelide taraǵan bolatyn. Sarbaz osy kúzde áskerge shaqyrylǵan.
Qarýly Kúshter Bas shtabynyń uiymdastyrý jáne jumyldyrý jumysy departamenti bastyǵy Sáken Júsipov osy máselege qatysty shekara qyzmetinde ishki tergeý júrgizilip jatqanyn aitty. Onyń aitýynsha, tekserý qorytyndysy jariialanatyn bolady.
"Sarbaz aimaqtyq shaqyrý komissiiasynyń sheshimimen áskerge shaqyrylǵan. Ol kezde densaýlyǵynda kinárat bar ekeni anyqtalmaǵan", - deidi polkovnik.
Esterińizge sala keteiik, 18 jastaǵy sarbazdyń túsiniksiz ári qorqynyshty áreketi qaznetti shýlatty.
Jyn shyǵarý isimen 5 jyldan beri ainalysatyn Daniiar Ibrahimulynyń aitýynsha, sarbazdyń boiynda jyn bar. Dini qyzmetkerdiń taǵy bir nusqasy bar. Onyń oiynsha, sarbaz qoryqqanynan osyndai amaldy qoldanǵan bolýy da múmkin.
Al psiholog jas sarbazdyń psihikalyq aqaýy bolýy múmkin dep otyr. Áskerge shaqyrǵanda dárigerler ony meditsinalyq tekserýden durys ótkizbegen dep esepteidi ol.
Ulttyq qaýipsizdik komiteti psihikalyq aýrýy bar adamǵa tán minez tanytqan sarbazdyń shekara qyzmetine áskerge shaqyrylǵanyn rastaǵan bolatyn.
