Jambyl oblysynyń Qordai aýdanynda 10 jasar bala attraktsionnan qulap, jazym bola jazdady, dep habarlaidy Sputnik Qazaqstan KTK arnasyna silteme jasap.
Áleýmettik jelide taraǵan videoda úsh balanyń otyrǵany anyq kórinedi. Al úlkenderdiń bireýi bárin videoǵa túsirip tur. Attraktsiondy qosyp qalǵanda bir bala jerdi súzip turyp, qatty qulaidy.
Resmi málimetke sáikes, bul oqiǵa 9 tamyzda bolǵan. Attraktsionnan qulaǵan bala jaraqat alǵan bolýy tiis. Biraq meditsinalyq kómekke júgingen joq. Ata-anasy politsiiaǵa da aryz túsirmepti. Ákimdik qyzmetkerleriniń sózine qaraǵanda, bala abaisyzda qaýipsizdik beldigin sheship tastaǵan.
"Bala qaýipsizdik beldigin sheship tastady. Sol sebepti jerge qulaǵan. Saiabaq direktsiiasy attraktsion jumysyn ýaqytsha toqtatýǵa sheshim qabyldady", - deidi aýdandyq ishki saiasat bóliminiń basshysy Nurbolat Satymqul.
Aita keteri, maýsymnyń ortasynda saýda jáne integratsiia ministri Baqyt Sultanov attrakiondardyń qaýipsizdigin qamtamasyz etý sharalary jaiynda aitqan. Onyń aitýynsha, attraktsiondy iske qosý úshin arnaiy komissiia men óndiristik qaýipsizdik komitetiniń ruqsaty qajet. Al attraktsion resmi túrde tirkeýge alynbasa, onyń iesine eskertý jasalady. Tiisti talaptar oryndalmaǵan jaǵdaida aiyppul salynady.
