Kókshetaýda kópbalaly otbasylar turatyn jeke úilerge ys iisin anyqtaityn sensor qurylǵy ornatylýda, dep habarlaidy "Ult aqparat" óńirlik TJD baspasóz qyzmetine silteme jasap.
Vedomstvonyń málimetinshe, 15 tamyzdan bastap, búginge deiin Kókshetaý qalasynda órt qaýipsizdigi qamtamasyz etý boiynsha aldyn alý sharasy ótkizilip jatyr.
«TJD Órt sóndirý jáne apatty-qutqarý jumystary qyzmeti men Kókshetaý qalalyq TJB qyzmetkerleri birlesip, jeke turǵyn úilerdiń aralaýda. Birinshi kezekte ys iisin anyqtaityn datchikterdi kópbalaly, az qamtylǵan otbasylarǵa jáne múmkindigi shekteýli jandardyń úilerine ornatylýda. Sondai-aq, olarmen órt qaýipsizdigin saqtaý týraly túsindirý jumystary júrgiziledi», - deidi vedomstvonyń baspasóz qyzmetindegiler.
Aita ketý kerek, Kókshetaý qalalyq Tótenshe jaǵdailar basqarmasynyń deregi boiynsha jylý maýsymy kezinde adam ólimi negizinen peshten, ys tiýden bolady. Osyndai tótenshe jaǵdailardy boldyrmaý maqsatynda 2018-2019 jyldary áleýmettik jaǵynan az qamtylǵan otbasylar turatyn jeke turǵyn úilerge ys iisin anyqtaityn 48 datchik ornatylǵan. Jyl sońyna deiin taǵy 15-in ornatý josparlanǵan. Bul jumystar ákimdikpen birlesip atqarylýda.
