«Shapaǵat» halyqtyq jobasy psiholog Darmina Popovamen birlesip, halyqtyń áleýmettik osal tobyna arnaiy trening ótkizdi, dep habarlaidy QazAqparat.
Psihologiialyq treningtiń maqsaty - ómirdiń qiyndyǵyna tap bolǵan azamattardy alǵa jeteleý. Olardy básekege qabiletti bolýyna uiytqy bolady. Munda halyqtyń áleýmettik osal tobyna jatatyn jáne basqa sanattaǵy adamdarǵa zańgerlik, psihologiialyq kómek kórsetiledi. Tegin oqý kýrstary arqyly jańa mamandyqty igerýge múmkindik beriledi.
Kásibi psiholog jalǵyzbasty, kópbalaly jáne erekshe balalardy tárbielep otyrǵan analarǵa ómir kúres ekenin jáne kúreskerler ǵana jeńimpaz bolatynyn túsindirdi.
«Osyndai trening ótkizý ideiasy kópten beri oiymyzda júrdi. Bizge keletin áiel adamdardyń basym bóligi ómirlerin ózgertkileri keledi. Olar bizden materialdyq kómek emes, qiyndyqtan shyǵar jol kórsetýdi suraidy», – dedi «Shapaǵat» halyqtyq jobasynyń jetekshisi Nazgúl Maqjan.
Aktsiia áielderdiń ózderine degen senimin arttyrý arqyly olardy daǵdarystan shyǵarýdy kózdeidi. Darmina Popovanyń sózinshe, barlyǵy qyz-kelinshekterdiń óz qolynda.
«Mundai áielder ainalasyndaǵy adamdarǵa kómek kórsete alatyndaryn biledi. Biraq jaqsylyq jasaýdyń jolyn tappaidy. Olar bala ósirýmen jáne tárbieleýmen ǵana shektelmeýge tiis. Áiel adamdardyń osaly joq. Olardyń jigerin janyp, úmiti men senimin oiatý kerek. Bul úshin ishte jasyrynyp jatqan depressiiany joiý qajet. Máseleni sheshýdiń eń alǵashqy qadamy osy», – dedi Darmina Popova.
