Áleýmettik jelide tanymal bolýdy kózdegen almatylyq bes júrgizýshi jol qozǵalysy erejesin óreskel buzǵany úshin ákimshilik jaýapkershilikke tartyldy, dep habarlaidy ult.kz.
QR Ishki ister ministrliginiń málimetinshe, júrgizýshiler agressivti kólik júrgizip, jyldamdyqty asyrǵan, qaýipti manevrler jasap, drift uiymdastyrǵan jáne jolda «shashka» tásilimen júrgen. Mundai áreketterdi olar áleýmettik jelige jariialaý úshin ádeii jasaǵan.
Quqyq qorǵaý organdarynyń aitýynsha, ereje buzýshylardyń ózderi jariialaǵan beinematerialdar olardyń jeke basyn anyqtaýdy jeńildetken. Áleýmettik jelilerge júrgizilgen monitoring nátijesinde sońǵy birneshe kúnde bes avtobuzaqy anyqtalyp, barlyǵy ákimshilik jaýapkershilikke tartyldy.
Almaty qalalyq Politsiia departamenti internet keńistigine turaqty monitoring júrgiziletinin jáne joldaǵy qaýipti áreketterdiń árqaisysyna quqyqtyq baǵa beriletinin málimdedi.
Sondai-aq politsiia qala kósheleri avtojarys ótkizýge nemese ekstremaldy kontent túsirýge arnalǵan alań emes ekenin eske salyp, jol qaýipsizdigin saqtaýǵa shaqyrdy.
Eske salaiyq, buǵan deiin Almatyda birneshe saǵat ishinde jol erejesin buzǵan 28 avtokólik aiyp turaǵyna qoiylǵan bolatyn. Sonymen qatar túngi ýaqytta drift jasaǵan BMW júrgizýshisi de jaýapqa tartylǵan edi.
