Tamyz aiynyń sońy memlekettik mereke – Konstitýtsiia kúnimen belgili. Alda úsh kún demalys. Osyǵan orai, elimizdiń bas qalasy óz turǵyndary men qonaqtaryna qyzyqqa toly merekelik baǵdarlama ázirledi, dep habarlaidy elorda ákimdiginiń resmi saity.
30 tamyz
Merekeniń basty oqiǵasy Ortalyq saiabaqtyń turaq alańynda qazaqstandyq estrada juldyzdarynyń qatysýymen ótetin kontsert bolmaq. Ashyq aspan aiasyndaǵy kontsertte turǵyndar men qonaqtarǵa Áli Oqapov, «Ringo» toby, «Alaman» triosy, «Roial» kvarteti, «Djentelmender» toby, Nur-Sultan qalasynyń memlekettik akademiialyq filarmoniiasynyń ártisteri jáne «Naz» memlekettik bi teatrynyń shyǵarmashylyq ujymy óner kórsetedi. Kontserttiń 17:00-de bastalyp, 22:30-ǵa deiin jalǵasady. Baǵdarlamany kez kelgen adam tamashalai alady.
Sondai-aq osy kúni Qalalyq alańda «Qazaqstan Jastar Fest» sport festivli ótedi. Jarys kelesi sport túrlerinen: arqan tartý, asyq atý, kir tasyn kóterý, armrestling, greppling, shaǵyn fýtbol, stritbol, BMX jáne breik-danstan ótedi. Budan bólek, Kiokýshinkai-kan Karate respýblikalyq ulttyq federatsiiasy sportshylarynyń, sporttyń kúshtik túrlerinen 4 dúrkin álem rekordshysy, belgili qazaq balýandary Balýan Sholaq pen Qajymuqan Muńaitpasovtyń izin jalǵastyrýshy Sergei Tsyrýlnikovtiń óner kórsetýi josparlanǵan. Chempionat aiasynda alańda Asyq atýdan qalanyń ashyq chempionaty ótedi. Oǵan kez kelgen adam qatysa alady. Jarys 17:00- de bastalyp, 19:00-ge deiin jalǵasady.
QR Ulttyq mýzeiinde óner ordasynyń 5 jyldyǵyna arnalǵan «Uly dala murasy» atty mýzeiler sherýi ótedi. Sharanyń saltanatty ashylýynda merekelik kontsert, qoldańbaly óner, aǵash kesý, keramikalyq ydys jasaýdan sheberlik saǵattary, sondai-aq mýzei zaldaryna ekskýrsiialar, sózjumbaq, kitap, kádesyi kórmesi, «Toǵyzqumalaq», «Asyq atý», «Sheńber» oiyndarynan jarystar ótedi. Shara 18.00-de bastalyp, 03:00-de aiaqtalady.
«Jastar» saraiynda «Rýhani jańǵyrý» baǵdarlamasy aiasynda Konstitýtsiia kúnine arnalǵan «Astana» estradalyq-simfoniialyq orkestriniń kontserttik baǵdarlamasy qoiylady. Bastalýy saǵat 19:00-de. 28-30 tamyz Kongress-ortalyqta «Eurasia Fashion Week» sán kórsetilimi ótedi. Qazaqstandyq jáne sheteldik dizainerler aldaǵy jyldyń kóktem jáne jaz maýsymyna arnalǵan kollektsiiasyn tanystyrady. Sán aptalyǵy aiasynda dizainerlerdiń shoý-rýmdary jáne EFW-tiń halyqaralyq qonaqtarynan tanymdyq sheberlik saǵattary ótedi dep josparlanǵan. EURASIAN FASHION WEEK – Eýraziialyq kontitenttiń sáni men stilin usynatyn, álemdik deńgeidegi dizainerler men sán álemine jańa qadam basqan jańa esimderdi ashatyn jańa halyqaralyq alań.
30-31 tamyz elordanyń Qýyrshaqtar teatrynda qala turǵyndary men qonaqtary «Jalqaýdyń ailasy» kóńildi spektalin tamashalai alady. Ertegi oqiǵasy sportpen shuǵyldanyp, jol júrý erejesin úirengisi kelmeitin bala týraly baiandaidy. Spektakldi 14:00-de qazaq tilinde, 12:00 jáne 16:00-de orys tilinde kórýge bolady. Bilet baǵasy – 700 teńge.
Ortalyq saiabaqta, Jetisý jáne Jeruiyq saiabaqtarynda balalarǵa arnalǵan «Baqtyń jeti ǵalamaty» atty oiyn-saýyq baǵdarlamasy ótedi. Shara osymen úshinshi jyl qatarynan elordanyń kishkentai turǵyndary men qonaqtaryn qýantatyn bolady. Saiabaqtyń kishkentai qonaqtarynyń kóńilin Minondar, Barbi qýyrshaǵy, Madagaskar jáne Gýbka Bob jáne t.b. mýltfilmderdiń keiipkerleri kóteredi. Táýelsizdik saraiynda «Aqanaevtar áýleti» jáne «Ata-zań – el tiregi, Nur-Sultan – el júregi» atty eki birdei kórme ótedi.
31 tamyz
Elordalyq saiabaqtarda ashyq aspan aiasyndaǵy «Fitness Park Nur-Sultan» aptalyq jattyǵýy ótedi. Sporttan tegin jattyǵý jeksenbi kúni 10:00-den 12:00 aralyǵynda Astanalyq, Jetisý, Jeruiyq saiabaqtary men Botanikalyq baqta ótedi. Jattyǵýdy CrossFit, ioga, boks, braziliialyq djiý-djitsý, Zumba, ústel oiyndary (doiby, shahmat) jáne toppen júgirýden arnaiy mamandar júrgizedi.
