Qazaqstan Respýblikasynyń Konstitýtsiialyq Soty Prezidenttiń ótinishi boiynsha jańa Konstitýtsiiadaǵy laýazymdarǵa qaita sailaný jáne taǵaiyndalý tártibine qatysty resmi túsindirme berdi, dep habarlaidy ult.kz.
Sot qaraǵan másele – 1995 jylǵy Konstitýtsiia boiynsha belgili bir memlekettik qyzmetterdi atqarǵan azamattardyń 2026 jylǵy Konstitýtsiia kúshine engennen keiin sol laýazymdarǵa qaita sailana nemese taǵaiyndala ala ma degen suraq boldy.
Konstitýtsiialyq Sottyń túsindirýinshe, jańa Konstitýtsiiada belgilengen merzimdik jáne ózge de shekteýler tek 2026 jylǵy Konstitýtsiia kúshine engennen keiingi sailaný nemese taǵaiyndalý jaǵdailaryna qoldanylady. Al 1995 jylǵy Konstitýtsiia kezeńinde atqarylǵan qyzmet pen sol kezdegi sailaný nemese taǵaiyndalý bul esepke kirmeidi.
Osyǵan bailanysty 1995 jylǵy Konstitýtsiia kezinde belgili bir laýazymdy atqarǵan azamattardyń jańa Konstitýtsiia kúshine engennen keiin sol qyzmetke qaita sailanýyna nemese taǵaiyndalýyna eshqandai konstitýtsiialyq kedergi joq.
Basqasha aitqanda, 2026 jylǵy Konstitýtsiia kúshine engennen keiin mundai azamattyń laýazymǵa qaita sailanýy nemese taǵaiyndalýy zań júzinde alǵashqy ret sailaný nemese taǵaiyndalý retinde esepteledi.
Osylaisha Konstitýtsiialyq Sot Prezidenttiń ótinishi boiynsha jańa Konstitýtsiiadaǵy tiisti normalarǵa resmi túsindirme berip, 1995 jylǵy Konstitýtsiia kezeńindegi qyzmet merzimi jańa Konstitýtsiiadaǵy shekteýlerdi esepteý kezinde eskerilmeitinin naqtylady.
