Foto: depositphotos.com
Qonaevta kámeletke tolmaǵan qyzǵa qatysty qylmys jasady degen kúdiktiler qamaýǵa alyndy, - dep habarlaidy Tengrinews.kz saity.
"Anonim derekkóz málimetinshe, Qonaev qalasynda eki politsei qyzmet babyn paidalanyp, 14 jastaǵy mektep oqýshysymen jynystyq qatynasqa túsken, sondai-aq bul áreketterin videoǵa jazyp alǵan (videony endi qyzmetkerlerdiń ózderi taratyp júr).
Olardyń biri - kámeletke tolmaǵandar isteri jónindegi inspektor, al ekinshisi ǵimarat kúzeti boiynsha politsiia qyzmetkeri ekeni belgili. Qazir ekeýi de qamaýǵa alynyp, ótken kúnmen jumystan bosatylǵan", - delingen "Nemolchi" qory jazǵan derekte.
Aqparatqa qatysty Almaty oblystyq Politsiia departamenti pikir bildirdi.
Vedomstvonyń baspasóz qyzmeti aiyptalýshylardyń shynymen de politsiia qyzmetkeri bolǵanyn rastady.
"Biyl 7 qarashada politsiiaǵa Almaty oblysynyń 43 jastaǵy turǵyny buryn belgisiz bolǵan eki adamnyń kámeletke tolmaǵan qyzyna qatysty seksýaldyq sipattaǵy zorlyq-zombylyq jasaǵany týraly aryzben júgindi. Sol kúni QR QK-niń 120-baby 3-bóligi 1-tarmaǵy boiynsha eki qylmystyq is tirkeldi.
Jedel-izdestirý is-sharalary barysynda politsiia qyzmetkerleri jeke basyn anyqtap, 2000 jáne 2001 jyly týǵan kúdiktilerdi ustady. Tergeý nátijeleri boiynsha olar qamaýǵa alyndy", - dep habarlady Almaty oblysy PD baspasóz qyzmeti.
Vedomstvo málimetinshe, jaqyn arada sotaldy tergep-tekserý aiaqtalyp, qylmystyq istiń materialdary máni boiynsha qaraý úshin sotqa joldanady.
QR Qylmystyq-protsestik kodeksiniń 201-baby talaptaryna sáikes ózge de málimetter jariialanbaidy.
