Foto: lada.kz
Túrkiianyń Aqtaýdaǵy bas konsýldyǵy zilzaladan zardap shekkenderge qarjylai kómek jiberýge niettiler úshin arnaiy shot ashylǵanyn málim etti, dep habarlaidy QazAqparat.
"Mańǵystaý oblysy men Aqtaý qalasynyń turǵyndary ózderiniń kómekterin barynsha tigizip jatyr. Qol sozǵysy keletin jandarǵa, kiim men gigienalyq quraldardy qazirgi tańda jetkizý qiynǵa soǵýy múmkin ekenin aitqym keledi. Sebebi, zilzaladan soń kóptegen jol qirap, áýe qatynastary jabylǵan. Jinalǵan gýmanitarlyq kómekti shekaradan ótkizý eki ese qymbatqa shyqpaq. Sondyqtan, kómek kórsetkisi keletin azamattarǵa qarjylai aýdarym jasaǵan tiimdirek ekenin jetkizgim keledi", - deidi Túrkiia Respýblikasynyń Aqtaý qalasyndaǵy bas konsýly Sabri Alptekin.
Aitýynsha, baýyrlas túrki elindegi apatqa bailanysty qarjylyq jáne materialdyq kómek naýqany óńirde 7 aqpannan bastalǵan. Al, 8 aqpan kúni Túrkiianyń Aqtaýdaǵy bas konsýldyǵynda kóńil aitý kitaby ashyldy. Óńir azamattary baýyrlas halyqtyń qaiǵysyna ortaqtasyp, kóńil bildirip jatyr.
Al, qarjylai kómek jiberý úshin arnaiy shot ashylǵan: 5354 5700 2979 2895 karta nomerine jáne KZ43885102870D1ZLV00 (SWIFT CODE: KZIBKZKA) memlekettik arnaiy shot nomerine joldaýǵa bolady.
