Qaza tapqan ýchaskelik inspektor Nurbol Baiǵaziev týraly áriptesi Jeńisbek Sydyq áńgimelep berdi. Onyń aitýynsha, Aqbulaq yqshamaýdany Darhan Súleevtiń baqylaýynda bolǵan, al Nurbol Baiǵaziev buryn sol aýmaqqa jaýapty bolǵandyqtan áriptesine kómektesýge barǵan, - dep habarlaidy Tengrinews.kz tilshisi Aibat jańalyqtar qyzmetine silteme jasap.
"Súleev Darhan bul qyzmetke bir ai buryn kelgen. Ol EQKB departamentinen aýysty. Habar kelgende birden barlyq ýchaskelik inspektor sol jerge bet aldyq. Nurbol bul ýchaskeni bilgendikten jai ǵana kómektesýge ketken. Ol ashyq-jarqyn adam bolatyn", - dedi Jeńisbek Sydyq.
Jeńisbek Sydyqtyń aitýynsha, Nurbol Baiǵaziev qarapaiym jaldamaly páterde turǵan, onyń artynda kámeletke tolmaǵan eki balasy qaldy. Jaqynda marqumnyń áieli insýlt aldy.
