IýNESKO 15 qyrkúiekte qazaqstandyq «Kólsai kólderi» memlekettik ulttyq tabiǵi parkin óziniń dúniejúzilik biosferalyq rezervattar jelisine qosty. Mundai sheshim IýNESKO baǵdarlamasynyń «Adam jáne biosfera» halyqaralyq úilestirý keńesiniń 33-sessiiasynda qabyldandy. Bul týraly Ekologiia, geologiia jáne tabiǵi resýrstar ministrliginiń baspasóz qyzmeti habarlady.
Qazaqstandyq «Kólsai kólderi» ótiniminiń eldegi jáne álemdegi kúrdeli epidemiologiialyq shekteýler jaǵdaiynda daiyndalǵandyǵy erekshe nazar aýdarýǵa turarlyq. «Kólsai kólderi» memlekettik ulttyq tabiǵi parki ákimshiligi qyzmetkerleriniń úilesimdi jumysynyń arqasynda Qazaqstandaǵy IýNESKO-nyń «Adam jáne biosfera» baǵdarlamasynyń biosferalyq rezervattarynyń Ulttyq jelisi taǵy bir biosferalyq rezervatpen tolyqtyryldy.
Osylaisha, búgingi tańda IýNESKO ulttyq jelisiniń Qazaqstandaǵy biosferalyq rezervat sany – 13. Bul san Ortalyq Aziianyń basqa elderindegi biosferalyq rezervattar sanynan edáýir asyp túsedi. Biosferalyq rezervattar kóleminiń osylai tanylýy Qazaqstannyń biologiialyq ártúrliligin saqtaý máselelerine álemdik qoǵamdastyqtyń nazaryn aýdarǵanyn jáne ony bolashaq urpaq úshin saqtaýǵa umtylatynyn aiǵaqtaidy.
