Almaty oblysyndaǵy Kólsai kólinde demalys kezinde 16 jastaǵy qyzdy jylan shaǵyp aldy, dep habarlaidy ult.kz.
Oqiǵa ekskýrsiia barysynda bolǵan. Zardap shekken jasóspirimniń týystary Qazaqstan Tótenshe jaǵdailar ministrliginiń jedel-qutqarý jasaǵynyń qyzmetkerlerinen kómek suraǵan.
Qutqarýshylar ámbebap qutqarý beketinde qyzǵa alǵashqy meditsinalyq kómek kórsetip, keiin qyzmettik avtokólikpen meditsinalyq mekemege jetkizgen.
Osy oqiǵaǵa bailanysty Tótenshe jaǵdailar ministrligi turǵyndarǵa tabiǵat aiasynda saqtyq sharalaryn qatań saqtaýǵa keńes berdi. Vedomstvonyń málimetinshe, jyldyń jyly mezgilinde jylandardyń belsendiligi artady. Sondyqtan belgilengen baǵyttan shyqpaý, demalatyn oryndy muqiiat tekserý, baýyrymen jorǵalaýshylarǵa jaqyndamaý jáne olardy ustaýǵa áreket jasamaý qajet.
Ministrlik jylan shaqqan jaǵdaida ýaqyt joǵaltpai meditsinalyq kómekke júginip, oqiǵa týraly 112 nómirine habarlaýdy eskertti.
