Sýret: Polisia.kz
Almaty oblysynda koloniia bastyǵynyń orynbasary atqaryp otyrǵan laýazymynan bosatyldy, - dep habarlaidy "Ult aqparat" Polisia.kz saityna silteme jasap.
Qańtarda áleýmettik jelilerde Almaty oblysynyń koloniiasyndaǵy zańsyz kezdesýler týraly aqparat paida boldy. QAJ departamenti osy fakt boiynsha qyzmettik tergeý júrgizgen.
"Tekserý barysynda sottalǵandardyń biriniń týystary mekeme ákimshiligine shaǵymdanǵany anyqtaldy. Olar koloniia qyzmetkerlerin zańsyz áreketterge qatysty aiyptai otyryp, shaǵymdaryn buqaralyq aqparat quraldarynda jariialaýmen qorqytty. Qoldanystaǵy zańnamany buza otyryp, mekeme bastyǵynyń orynbasary sottalǵandy koloniiaǵa kelgen týystaryna BÓP tory arqyly kórsetýdi tapsyrdy", - delingen habarlamada.
Keiinnen bul jaǵdai BAQ ókilderine sybailas jemqorlyq quramdas bóligimen zańsyz kezdesý retinde usynylǵan.
"Sondai-aq, beinejazbalarda kórsetilgen basqa da derekter boiynsha qyzmettik tergeý barysynda sybailas jemqorlyq quramdas bólikteri bar qoldanystaǵy nusqaýlyqtardyń buzylýy anyqtalǵan joq. Sonymen qatar, qyzmettik tergeý nátijeleri boiynsha mekeme bastyǵynyń orynbasary jiberilgen buzýshylyqtar úshin atqaryp otyrǵan qyzmetinen bosatyldy. Budan basqa, birqatar basqa da qyzmetkerler, onyń ishinde mekeme basshysy qatań tártiptik jaýapkershilikke tartyldy", - delingen habarlamada.
