Kolledjge túsýshi talapkerler 4 mamandyq tańdai alady. Bul týraly QR BǴM Tehnikalyq jáne kásiptik bilim departamenti direktorynyń orynbasary Ernat Júnisov aitty, dep habarlaidy QazAqparat.
Onyń atap ótýinshe, kolledjge túsýshiler úshin qabyldaý emtihandary alynyp tastaldy. Tek pedagogika, meditsina jáne óner mamandyqtaryna ǵana qabyldaý emtihandary ótkiziledi. Óitkeni, meditsina mamandyǵy boiynsha talapkerler psihometriialyq test tapsyrady. Al pedagogikalyq mamandyq boiynsha áńgimelesý túrindegi test bolady.
«Buryn talapkerlerimiz bir ǵana mamandyqqa tapsyratyn bolsa, endi 4 mamandyq tańdaýǵa múmkindik alyp otyr. Bul talapkerlerimiz úshin jasalǵan úlken múmkindik dep oilaimyn. Emtihan alynyp tastalǵandyqtan árbir mamandyq boiynsha beiindi jáne mindetti pánderdi anyqtadyq. Mysaly konkýrs aqparattyq júie mamandyǵyna qatysty bolsa, onda talapker úshin eki pán mindetti bolady. Biri – algebra, ekinshisi – informatika. Osy eki pánniń baǵasy men qazaq tobyna tasyratyn bolsa qazaq tiliniń baly eseptelinedi. Osy úsh pánniń ortaq baly shyǵarylady jáne ol konkýrs baly sanalady», - dedi Ernat Júnisov.
Direktor orynbasarynyń aitýynsha, osy ýaqytqa deiin kolledjge túsýshiler úshin 6 kvota qarastyrǵan. Endi oǵan taǵy 3 kvota qosylyp otyr. Atap aitqanda, kópbalaly otbasydan shyqqan balalarǵa 5 paiyz, tolyq emes otbasydan shyqqan balalarǵa 1 paiyz jáne múgedek bala tárbielep otyrǵan otbasylar úshin 1 paiyz kvota beriledi.
«Qazirgi ýaqytta deiin 129 myńǵa tarta talapker qujattaryn tapsyrdy. 29 shilde men 3 tamyz aralyǵynda óner mamandyqtary boiynsha konkýrs ótip, nátijesi shyǵaryldy. 3 700-den astam talapker qujat tapsyryp, 2 800 oqýǵa tústi. Óitkeni, memlekettik tapsyrys 2 800 adamǵa bólingen. Kelesi konkýrs meditsina men pedagogika mamandyqtary boiynsha tamyzdyń 18-21 aralyǵynda ótkiziledi. Nátijesin 22-23 tamyz kúnderi shyǵaramyz. Kolledjge túkenderge kóptegen áleýmettik jeńildik bar. Jumysshy mamandyǵyna túsken talapkerler bir mezgil ystyq tamaqpen qamtamasyz etiledi jáne 21 787 teńge shákirtaqy alady. Al jataqhanada oryn eń aldymen az qamtylǵan otbasydan shyqqan jáne 1-kýrsqa túsken balalarǵa birinshi kezekte beriledi. Búginde 438 jataqhanada 60 myńnan astam oryn bar», - dedi Ernat Júnisov.
