Sybailas jemqorlyqqa qarsy qyzmet Bas kólik prokýratýrasymen birlesip kólikterdi tehnikalyq tekserýdiń jalǵan diagnostikalyq kartalaryn berýmen ainalysqan Uiymdasqan qylmystyq top (UQT) qyzmetiniń jolyn kesti, dep habarlaidy QazAqparat.
Barlyq el aýmaǵynda jalǵan tulǵalarǵa tek «qaǵazda» ǵana bar 28 firma resimdelgen.
Tirkelgen mekenjailar boiynsha tehnikalyq tekserý ortalyqtary bolmaǵan, tiisinshe, qoldanystaǵy zańnama talaptaryna sáikes qajetti tehnikalyq jabdyqtary, mamandary, jumys jasaityn oryndary bolmaǵan.
Qylmystyq topty Kólik komitetiniń kóliktik baqylaý júrgizý jáne mundai faktilerge jol bermeý mindetteri júktelgen laýazymdy tulǵalary basqarǵan.
2017 jyldan bastap búgingi kúnge deiin UQT músheleri is júzinde tehnikalyq tekserýsiz 260 myńnan astam diagnostikalyq karta jasaǵan. Mundai «qyzmet» bir avtokólik úshin 5 minýttyq ýaqytty jáne 2 myń teńgeni qajet etken.
Tergeý barysynda bul qyzmetterge júgingen avtokólik ielerine de quqyqtyq baǵa beriledi.
Antikor qoldanystaǵy zańnamaǵa tiisti ózgerister engizý, sondai-aq «formaldi tehnikalyq tekserýler» júrgizý faktilerin joiýǵa qatysty barlyq sharalardy qabyldaityn bolady.
