© 47news.ru
21 qarashada Leningrad oblysynda bolǵan jol apaty kezinde jantúrshigerlik oqiǵa málim boldy, - dep habarlaidy Tengrinews.kz tilshisi 47news saityna silteme jasap.
Sol kúni Sankt-Peterbýrg mańyndaǵy tasjolda Mitsubishi Galant kóligi jol shetindegi qorshaýǵa soǵylǵan. Kólik soǵylǵan kezde onyń júk salǵyshynan adamnyń basy men omyrtqa súiegi túsip qalǵan.
Úsh kúdikti oqiǵa ornynan qashyp ketip, keiin olar jedel izdestirý jumystary kezinde ustalǵan. Olar kólik jóndeý ornynyń 50 jastaǵy qojaiyny Arkadii Kaziniannyń máiitin alyp bara jatqan. Ol qaitys bolǵanǵa deiin dostarymen birge ishimdik ishken eken.
Jaýap alý kezinde ustalǵandardyń biri mundai qylmysty alǵash ret jasap turmaǵanyn aitqan. Ol sońǵy ret adam óltirgende tipti etin jegen. Iaǵni kannibalizmdi moiyndaǵan.
23 jastaǵy Egor Komarov byltyr qyrkúiekte 38 jastaǵy birja brokerine pyshaqpen shabýyl jasap, keiin tilin qalai pisirgenin aityp berdi jáne kórsetti.
"Til qainaǵan kezde dámin kórdim, biraq unamady. Múmkin, denesiniń basqa bóligi bolsa unaýy múmkin edi", - deidi ustalǵan adam.
Jergilikti BAQ jaǵdaidy Kventin Tarantino men Gannibal Lektor týraly filmdermen salystyrdy.
