"KAO" basqarma tóraǵasy, kezinde Qazaqstan Respýblikasynyń kólik jáne kommýnikatsiialar ministri bolǵan Serik Qarabatyruly Áligýjinov qaitys boldy. Bul týraly QR Indýstriia jáne infraqurylymdyq damý ministrligi estirtti, - dep habarlaidy "Ult aqparat".
"QR Indýstriia jáne infraqurylymdyq damý ministrliginiń ujymy 2021 jylǵy 3 qazanda ómirden ótken "KAO" Basqarma Tóraǵasy, kezinde Qazaqstan Respýblikasynyń Kólik jáne kommýnikatsiialar ministri bolǵan Serik Qarabatyruly Áligýjinovtiń otbasy men jaqyndaryna qaiǵyryp kóńil aitady", - delingen habarlamada.
Serik Qarabatyruly 1944 jyly Pavlodar oblysynda dúniege kelgen.
Eńbek jolyn Pavlodardaǵy 2564 avtokolonna mehaniginen bastap QR Kólik jáne kommýnikatsiia ministrine deiingi joldan ótti. Ministrlikti jańa Astanaǵa kóshirý mańyzdy sharasyna jetekshilik etti. Kólik jáne kommýnikatsiia salasynyń júie quraýshy kásiporyndaryn qurýdyń bastaýynda turdy.
Zeinetkerlikke shyqqannan keiin de Serik Qarabatyruly qoǵamdyq jumystardan shet qalmai, Qazaqstan Respýblikasynyń "KAO" avtokólik odaǵynyń basshysy boldy.
Eren eńbegi baǵalanyp, elimizdiń saiasi, áleýmettik jáne ekonomikalyq damýyna qosqan eleýli úlesi úshin KSRO Halyqtarynyń dostyǵy ordenimen, Qazaqstannyń "Qurmet" jáne "Parasat" ordenderimen marapattaldy. Qalanyń áleýmettik-ekonomikalyq damýyna qosqan zor úlesi úshin Pavlodar qalasynyń Qurmetti azamaty atandy.
