Aqmola oblysynda er adam Grýziiadan kólik satyp áperemin degen aýyldasyna senip, 3,1 million teńgesinen aiyrylyp qaldy. Jábirlenýshi Toyota Highlander kóligin satyp almaq bolǵan, dep habarlaidy ult.kz.
Oblystyq politsiia departamentiniń málimetinshe, oqiǵa 2024 jyldyń qazan aiynda bolǵan. Jábirlenýshiniń aýyldasy Grýziiadan Toyota Highlander alyp berýge kómektesetinin aityp, odan 3,1 million teńge alǵan. Alaida arada ýaqyt ótse de, ýáde etilgen kólik satyp alynbaǵan. Aqsha da iesine qaitarylmaǵan.
Osydan keiin turǵyn politsiiaǵa júgingen. Atalǵan derek boiynsha qylmystyq is qozǵalyp, qazirgi ýaqytta politseiler oqiǵanyń barlyq mán-jaiyn anyqtap, qajetti tergeý áreketterin júrgizip jatyr.
Politsiia azamattarǵa iri kólemdegi qarajatty tanys adamdarǵa da tiisti qujatsyz bermeýge keńes berdi. Kez kelgen mámileni zań talaptaryna sai rásimdeý qajettigin eskertti.
