Elorda ákimi Altai Kólginov qala turǵyndaryna taǵy da úndeý jasady, dep habarlaidy "Ult aqparat".
«Qala turǵyndary kún saiyn jolda, jumysta, týystarymen jáne t.b. adamdarmen aralasady. Ókinishke qarai, bári birdei qaýipsizdik sharalaryn saqtai bermeidi. Sanitarlyq normalardy jáne ózin-ózi qorǵaýdyń qarapaiym tásilderin saqtamaý qaterge bas tigýmen teń. Mundai jaǵdaida adam ómiri men densaýlyǵyna qaýip tónedi. Bárińizdi shuǵyl túrde ekpe alýǵa shaqyramyn. Vaktsinatsiia ǵana sizdi jáne otbasyńyzdy reanimatsiiadan, aýrýdan keiingi ońaltý kýrsynan, antibiotikter men ózge de aýyr dári-dármekter qabyldaýdan saqtaidy», - dep jazdy ákim jelidegi paraqshasynda.
Sonymen qatar vaktsinatsiianyń mańyzyn elordadaǵy qurylys kompaniialarynyń ókilderimen de talqylaǵanyn jetkizdi.
«Biyl jumys kóp. Qoljetimdi turǵyn úi qurylysynyń kólemi, oqý oryndardyń, áleýmettik nysandardyń qurylysy jáne t.b. artpaq. Alaida ujymdyq immýnitet qalyptaspasa, qurylys jumystary toqtatylady. Vaktsinatsiia arqyly ǵana ujymdyq immýnitetti damyta alamyz», - dep tolyqtyrdy A. Kólginov.
