QR ekologiia, geologiia jáne tabiǵi resýrstar ministrligi óz Telegram kanalynda «Janýarlar dúniesin qorǵaý, ósimin molaitý jáne paidalaný týraly» QR Zańy jáne QR AShM Orman sharýashylyǵy jáne janýarlar dúniesi komitetiniń 2015 jylǵy 24 shildedegi buiryǵy boiynsha Qazaqstanda balyqtardyń ýyldyryq shashýy jáne kóbeiýi kezeńinde balyq aýlaýǵa jyl saiyn shekteýler engiziletinin habarlady.
Bul sharalar óte mańyzdy, óitkeni keibir balyq túrleriniń popýliatsiiasy edáýir azaiyp nemese múldem joiylyp ketýi múmkin. Mundaiǵa jol bermeý úshin sý basseinderinde balyq aýlaý ziian tigizýi múmkin naqty kúnder anyqtalady.
Mysaly, Aral-Syrdariia basseini boiynsha Shardara sý qoimasy sý ailaǵynan 1 sáýir men 20 mamyr aralyǵynda, Túrkistan oblysy shegindegi sý aidyndarda jáne Shardara sý qoimasynan Qyzylorda oblysynyń ákimshilik shekarasyna deiingi Syrdariia ózeninde 15 sáýir men 31 mamyrdy qosa alǵandaǵy aralyqta balyq aýlaýǵa tyiym salyndy.
Balqash-Alakól basseini boiynsha Balqash kólinde 15 sáýir men 1 maýsym aralyǵynda, Qapshaǵai sý qoimasynda jáne oǵan quiatyn barlyq ózender men aǵyn sýlarda 5 sáýir men 20 mamyr aralyǵynda balyq aýlaýǵa tyiym salynady.
Ertis basseini, Qaraqastan bastap birinshi Batin shoqysyna deiin Buqtyrma sý qoimasynyń kól-ózen bóliginde 16 sáýir men 30 mamyr aralyǵynda, Buqtyrma sý qoimasynyń tereń sý bóliginde birinshi Batin shoqysynyń basynan bastap aǵysty boilap tómen qarai Buqtyrma GES-ne deiin 1 mamyr men 15 maýsym aralyǵynda balyq aýlaýǵa tyiym salyndy.
Esil basseininiń sý aidyndarynda shortan, aqqairan jáne kókserke aýlaýǵa (aýlaýǵa, jinaýǵa, daiyndaýǵa) 15 sáýirden 15 mamyrǵa deiin, sazan (tuqy) 20 mamyrdan 20 maýsymǵa deiin, gammarýs 1 tamyzdan 14 qyrkúiekke deiin jáne basqalarǵa tyiym salynady.
Nura-Sarysý basseininde 20 sáýirden 20 mamyrǵa deiin kókserke, 1 mamyrdan 30 maýsymǵa deiin sazan (tuqy) aýlaýǵa tyiym salyndy. Tobyl-Torǵai basseini sheńberinde Qostanai oblysynyń Arqalyq qalasy, Amangeldi, Jangeldin aýdandarynyń sý aidyndarynda 20 naýryzdan bastap 20 sáýirge deiin shortan, sazan (tuqy), taban, lai, kókserke aýlaýǵa 20 sáýirden bastap 30 mamyrǵa deiin tyiym salynady.
Jaiyq-Kaspii basseini men Qiǵash ózeni boiynsha 25 mamyrdan bastap 31 tamyzǵa deiin Kaspii teńiziniń qazaqstandyq sektorynyń soltústik bóliginiń sý aidynynda, 1 sáýirden bastap 31 tamyzǵa deiin Jaiyq jáne Qiǵash ózenderiniń qosalqy sý aidyndarynda balyq aýlaýǵa tyiym salyndy. Sondai-aq, 1 naýryz ben 1 shilde aralyǵynda Shý-Talas basseininiń Bilikól, Bógetkól jáne Aqkól kólderin ózara bailanystyratyn Asa ózeninde jáne onyń salalarynda balyq aýlaýǵa tyiym salynady.
