Kókshetaýda «Rýhani jańǵyrý» baǵdarlamasyn júzege asyrý maqsatynda 1 186 joba men 2 myńnan astam is-shara ótken. Bul týraly óńirlik kommýnikatsiialar qyzmetinde ótken brifingte qala ákimi Amangeldi Smaiylov aitty.
Brifingte aitylǵandai qala ákimi aldymen ulttyq qundylyqtarymyzdy eskerip, tanymdyq jaǵynan bilýimizge úlken jol ashqan Elbasynyń «Rýhani jańǵyrý» baǵdarlamasynyń mańyzdylyǵyna toqtaldy. Memlekettik baǵdarlamany júzege asyrýǵa kókshetaýlyqtar da bir kisidei atsalyp otyrǵandyǵy aityldy.
«Baǵdarlama qolǵa alynǵannan beri oblys ortalyǵynda 186 joba men 2 myńnan astam shara júzege asyrylǵan. Sonyń ishinde Kókshetaý qalasynyń 195 jyldyǵyn atap ótý sheńberinde «Quraq kórpe fest» jáne kórkemóner sheberleriniń «Kókshetaý juldyzdary» qalalyq baiqaýy, «Biznes balalarmen birge, biznes balalar úshin» startap jobalarynyń baiqaýy, «Qulager» ulttyq jáne halyqtyq sport túrlerinen oblystyq spartakiada uiymdastyrylǵanyn atap ótýge bolady. Jastar jyly sheńberinde «Búgingi jastar – erteńgi eldiń tarihy» jastar forýmy ótkizildi», – deidi qala ákimi.
Jalpy, «Rýhani jańǵyrý» baǵdarlamasy júzege asyryla bastaǵan sátten beri oǵan 100-den astam metsenat, 114 úkimettik emes uiym men bastamashyl top, 10 myńnan astam erikti tartylǵan. Olardyń Otanǵa degen súiispenshiligi, jaýapkershiligi jáne naǵyz patriottyq sezimi úlgi bolarlyqtai.
Budan bólek, oblys ortalyǵynda «Týǵan jer» baǵdarlamasy aiasynda iske asyrylǵan jobalar da aitýǵa turarlyq. Atalmysh baǵdarlama boiynsha jyl basynan beri 140 million teńgeden astam qarajatqa eki sport alańy men bir shaǵyn fýtbol alańy salyndy.
Ótken jyly jańadan ashylǵan IT mektebiniń aýlasynda «Uly dala urpaqtary» etnografiialyq lageri uiymdastyryldy. Mádeniet salasynda «Ónegeli otbasy – Rýhani Jańǵyrýdyń ózegi», «Aqyndar aitysy», «Qazaqshańyz qalai?», «Úsh baqytym», «Ashyq aspan astyndaǵy kitaphana» jobalary júzege asyryldy. Ulttyq dombyra kúnine orai Sh.Qusaiynov atyndaǵy oblystyq mýzykalyq drama teatrynyń aldyna biiktigi 11 metr «Dombyra» eskertkishi ornatyldy.
«Elbasy N.Nazarbaev: «Biz 2025 jyldan bastap álipbiimizdi latyn álipbiine kóshirýge kirisýimiz qajet», dep atap ótkendei, latyn grafikasyna kóshýdiń mańyzdylyǵy týraly keńinen aqparattandyrýdy nasihattaý jumysy 20 myńnan astam halyqty qamtydy, 575 is-shara ótkizildi. Bul jumysty odan ári de jalǵastyratyn bolamyz», – dep sózin qorytyndylady qala ákimi.
