Ortalyq kommýnikatsiialar qyzmetinde ótken brifingide QR Aqparat jáne qoǵamdyq damý vitse-ministri Bolat Tilepov qoǵamdyq keńesterdiń ókilettigi qalai keńeitilip jatqanyn túsindirdi, dep habarlaidy QazAqparat.
«Qoǵamdyq keńesterdiń ókilettiligi birshama keńeitildi. Qazir bul jóninde zańnamalyq erejeler men nusqaýlyqtar ázirlenip, búkil máslihattarǵa, memlekettik organdar men qoǵamdyq keńesterdiń ózderine taratyldy. Keńes qurý úrdisi qaita qaraldy. Endigi jerde olardyń quramynyń 70 paiyzy úkimettik emes uiym ókilderi men belsendi azamattardan turýy tiis», - degen vitse-ministr qoǵamdyq keńesterdiń jumysyn retteitin ýákiletti organ - Aqparat jáne qoǵamdyq damý ministrligi ekenin eske saldy.
Onyń aitýyna qaraǵanda, jyl sońyna deiin prezidentke osy baǵytta atqarylǵan jumystardyń esebi Ulttyq baiandama túrinde ótkiziledi.
«Jyl saiyn Ulttyq baiandama ázirleý tájiribesi qolǵa alyndy. Biyl el Prezidentine alǵash ret usynylatyn bul qujat qazir aiaqtalýǵa jaqyn», - dedi Bolat Tilepov.
