Eýropalyq quqyq jáne adam quqyqtary saraptamalyq institýtynyń direktory, Ulttyq qoǵamdyq senim keńesiniń múshesi Marat Báshimov Prezidenttiń jańa Joldaýy týraly pikir bildirdi, dep habarlaidy QazAqparat.
«Birinshiden, Prezident Qasym-Jomart Toqaevtyń baǵytyna senim arta tústi. Ol búkil qoǵam men halyq úshin ádiletti qoǵam men tiimdi memleket qurý qajettigin ashyq aityp otyr. Munda ádilettiń ne ekeni qatardaǵy adamǵa da túsinikti. Osy eki tezistiń astynda kóp maǵyna jatyr. Memlekettiń tiimdi bolýy – memlekettik basqarýdy jetildirý, sybailas jemqorlyqqa qarsy kúres jáne t.b. qamtidy. Oǵan senim arta tústi, kóp talqylana bastady, áleýmettik jelilerde de kóp talqylanyp jatyr», - dedi Báshimov «QazAqparat» halyqaralyq aqparat agenttiginiń baspasóz ortalyǵynda ótken saraptamalyq talqylaýda.
Sondai-aq, institýt direktory quqyqtyq salany damytýǵa qatysty da pikir bildirdi.
«Quqyqtyq salada da qoǵamdyq sana ózgerip keledi. Bul óte mańyzdy. Prokýratýrada da solai. Neni damytý kerek? Prokýratýra qyzmetindegi ashyqtyq, aiqyndyqty damytqan jón. Osy baǵyttarǵa syn aitylyp jatyr», - dedi Marat Báshimov.
Sonymen birge, Marat Báshimov «halyq únine qulaq asatyn memleket» qaǵidatyna qoǵamnyń sene bastaǵanyn atap ótti.
