Qazaqstan musylmandary dini basqarmasy erteń, 27 tamyz juma namazy qai óńirlerde oqylatynyn habarlady.
"Elimizde pandemiia jaǵdaiyna bailanysty jergilikti bas sanitar dárigerdiń qaýlysyna sáikes, respýblikanyń kei óńirlerinde juma namazy ýaqytsha toqtap tur. Áitse de bul Qazaqstannyń eshbir aimaǵynda juma namazy atqarylmai júr degendi bildirmeidi", - dep jazdy QMDB saity.
Múftiiattyń aqparatynsha, dini basqarmaǵa qarasty 19 ókildik bolsa, sonyń tek beseýinde ǵana juma namazyn oqý ýaqytsha toqtatylǵan. Al qalǵan óńirlerde juma namazy meshit aýlasynda atqarylyp keledi.
Sondai-aq elimizde karantin kúsheitilgen kúnderdiń ózinde juma, jamaǵat namazdary oqylmai qalsa da, meshitterde bes ýaqyt namazǵa azan aitý úzilgen emes, dep atap ótti QMDB.
27 tamyzdaǵy juma namazy:
- Nur-Sultan qalasy – oqylmaidy
- Almaty qalasy – oqylmaidy
- Shymkent qalasy – oqylmaidy
- Almaty óńiri – meshit aýlasynda oqylady
- Shyǵys Qazaqstan oblysy – meshit aýlasynda oqylady
- Qaraǵandy oblysy – oqylmaidy
- Atyraý oblysy – meshit aýlasynda oqylady
- Soltústik Qazaqstan oblysy – meshit aýlasynda oqylady
- Aqmola oblysy – meshit aýlasynda oqylady
- Aqtóbe oblysy – meshit aýlasynda oqylady
- Batys Qazaqstan oblysy – oqylady
- Mańǵystaý oblysy – meshit aýlasynda oqylady
- Túrkistan oblysy – meshit aýlasynda oqylady
- Pavlodar oblysy – meshit aýlasynda oqylady
- Semei óńiri – meshit aýlasynda oqylady
- Taldyqorǵan óńiri – meshit aýlasynda oqylady
- Qyzylorda oblysy – meshit aýlasynda oqylady
- Jambyl oblysy – oqylmaidy
- Qostanai oblysy – meshit aýlasynda oqylady.
Dini basqarma meshitke baratyn jamaǵattan betperde taǵýdy, antiseptik paidalanýdy jáne pandemiiaǵa bailanysty bekitilgen erejelerge túsinistikpen qaraýdy surady.
