Foto: muftyat.kz
Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly Ramazan aiyna orai BAQ ókilderiniń qatysýymen baspasóz máslihatyn ótkizdi, dep habarlaidy "Ult aqparat" muftyat.kz saityna silteme jasap.
QMDB tóraǵasy musylman úmmeti úshin ulyq sanalatyn Ramazan aiy jaily baiandap, jýrnalisterdiń suraǵyna jaýap berdi.
«Biz Ortalyq Aziia elderiniń múftilerimen, ondaǵy pátýa salasyna jaýapty ǵalymdarmen aqyldasa kele jáne ǵylymi zertteýler nátijesin eskerip, ortaq sheshim qabyldadyq. Alla qalasa, biyl ramazan aiy 23 naýryzda bastalady. Al sáýir aiynyń 17-nen 18-ne qaraǵan tún – qasietti Qadir túni. 21 sáýir – oraza ait merekesi» - dedi Naýryzbai qajy Taǵanuly.
