Tarazda Qazaqstan halqy Assambleiasynyń jastary quqyqtyq mádeniet taqyrybyn talqylady. Búgingi kúnniń negizgi máselesi – quqyqtyq mádenietti qalyptastyrý ekeni jasyryn emes. Osy oraida, Jambyl oblysy ákimdigi ishki saiasat basqarmasynyń «Qoǵamdyq kelisim KMM uiymdastyrýymen oblystyq QHA «Jańǵyrý Joly» jastar qozǵalysy jáne etnomádeni birlestik jastaryna arnalǵan «Jastardyń nysanaly toptary arasynda quqyqtyq mádenietti arttyrý jáne qoǵamdyq tártipti buzýdyń aldyn alý» taqyrybynda kezdesý ótkizdi, - dep habarlaidy «Ult aqparat».
Kóp ultty memlekette, etnostar arasynda quqyqtyq mádeniettiń qalyptasýy kezek-kezeńimen júredi. Elimiz Táýelsizdik alǵan otyz jylda bir shańyraq astyna syidyryp otyrǵan júzdegen ult ókilderiniń árqaisynyń quqyǵyn qorǵap, ómirin saqtaýǵa Ata Zańmen bekitip, jaǵdai jasalǵan. Bul týraly tarazdyq jastar da sóz etti.
«Bir memlekette túrli ult ókilderi ómir súrip otyrǵanymyzben, Zań bárimizge ortaq. Bizdiń quqyqyǵymyz Ata zańmen bekitilgen. Konstitýtsiia bar. Zań bar. Bizde jastardyń kóbisi Zańǵa mán bere bermeidi. degenmen ár adam, ár azamat óz quqyǵyn bilýi kerek. Qandai jaǵdaida Zań qalai sóileidi, ony da bilý kerek. Biz sondyqtan da búgin Jastardyń nysanaly toptary arasynda quqyqtyq mádenietti arttyrý jáne qoǵamdyq tártipti buzýdyń aldyn alý» taqyrybynda kezdesý ótkizip otyrmyz. Taqyryby aityp turǵandai, jastardyń quqytyq saýatylyǵyn arttyrýdy maqsat etemiz», - dedi Doshan Balajanuly.
Atalǵan kezdesýge Jambyl oblysy Ádilet departamentiniń bas mamany Liazzat Abishova, Jambyl oblysy zań konsýltanttary palatasynyń zań konsýltanty Svetlana Koshelekova, «Azamattyq quqyqtardy qorǵaý Komitetiniń» basshysy Irina Fedorova, «Qoǵamdyq kelisim» KMM mediatsiia kabineti mengerýshisi, mediator Valentina Dosybieva spiker retinde shaqyryldy.
«Jastardyń Zań taqyrybyn qozǵaǵany qýantady. Qazir barlyq jaǵdaida tek zańmen sheshý qarastyrylǵan. Kólik júrgizseńiz de, úi alsańyz da, jer satsańyz da, oqýǵa tapsyrsańyz da, bireýmen sózge kelisip qalsańyz da... qandai jaǵdai bolmasyn, bári Zań júzinde sheshiletin dúnie. Konstitýtsiia ár azamat úshin quqyq qorǵaidy. Ata Zań bárimizdiń ortaq zańymyz. Zań mamany retinde aitaiyn, búgingi qozǵalyp otyrǵan taqyryp jastardyń ǵana emes, barlyq azamattardyń bolashaǵy úshin mańyzdy dep oilaimyn», - dedi Jambyl oblysy Ádilet departamentiniń bas mamany Liazzat Abishova.
Al mediator Valentina Dosybieva quqyqtyq sanany qalyptastyrý týraly sóz etti. Onyń aitýynsha, órkenietti qoǵam quqyqtyq mádenietti qalyptastyrýdan bastaý alady.
«Qazaqstan Respýblikasynyń quqyqtyq memleket retinde damýy árbir azamat boiyna quqyqtyq qundylyqtardy sińirip, quqyqtyq sanany qalyptastyrýdan kórinis beredi. Órkenietti qoǵam úshin qymbat qazyna – adam, adamnyń bostandyǵy men ómiri desek, búgingi jas urpaqtyń osy qymbat qazynany baǵalai bilýi asa mańyzdy. Sol sebepten quqyqtyq mádenietti qalyptastyrýdyń mańyzdylyǵy da osydan bastalady», - dedi Valentina Dosybieva.
Sonymen qatar, spikerler quqyq qorǵaý mamandary jastarǵa osy qaǵidany qalyptastyrý úshin júieli de mazmundy tárbie qajet ekeniń jastarǵa túsindirdi.
Esterińizge sala keteiik, Tarazda Qazaqstan halqy Assambleiasynyń jastary quqyqtyq mádeniet taqyrybyn talqylady. Búgingi kúnniń negizgi máselesi – quqyqtyq mádenietti qalyptastyrý ekeni jasyryn emes. Osy oraida, Jambyl obylsy ákimdigi ishki saiasat basqarmasynyń «Qoǵamdyq kelisim KMM uiymdastyrýymen oblystyq QHA «Jańǵyrý Joly» jastar qozǵalysy jáne etnomádeni birlestik jastaryna arnalǵan «Jastardyń nysanaly toptary arasynda quqyqtyq mádenietti arttyrý jáne qoǵamdyq tártipti buzýdyń aldyn alý» taqyrybynda kezdesý ótkizdi.
