Soltústik Qazaqstan oblysynda Kann kinofestivaliniń jeńimpazy Samal Esliamova «Biz Birgemiz» respýblikalyq aktsiiasyn qoldap, nurotandyqtarmen birge múgedek áielge kómek kórsetti, dep habarlaidy "Ult aqparat".
«Nur Otan» partiiasy SQOF baspasóz qyzmetiniń málimetinshe, eldegi tótenshe jaǵdaiǵa bailanysty partiia ókilderi qoǵamnyń áljýaz toptaryna qoldaý kórsetip jatyr. Bul joly olardyń qataryna tanymal kinoaktrisa Samal Eslámova qosylyp, muqtaj jandarǵa kómekke baǵyttalǵan «Biz Birgemiz» respýblikalyq aktsiiasyna qatysty.
QR eńbek sińirgen mádeniet qairatkeri Petropavlda turatyn 3-shi toptaǵy múgedek Roza Imaqovanyń páterine bardy.
«Qazir dárihanalarda maskalar men antiseptikter tapshy, búgin maǵan bul zattardy uzaqqa jetetindei etip ákeldi. Densaýlyǵyma bailanysty dúkenge shyǵý qiyn, ári infektsiia júrip jatqanda tek asa qajet bolǵan jaǵdaida ǵana dalaǵa shyqqan jón. Qyz-jigitter azyq-túlik te ákelip berdi. Sol úshin uiymdastyrýshylarǵa alǵysym sheksiz. Ári Samal Eslámovamen kezdesip, sóilesip, kóńilim bir kóterilip qaldy», - deidi Roza Imaqova.
Aktsiiaǵa qoldaý bildirgen Samal Eslámova qazirgidei qiyn jaǵdaida múmkindigi shekteýli adamdarǵa, kóp balaly otbasylarǵa jáne jalǵyzilikti zeinetkerlerge mundai kómek birinshi kezekte qajet ekendigin aitady.
«Qazir kóptegen adamdar pandemiiaǵa bailanysty jaǵdaiǵa táýeldi boldy. Bizde kóp balaly otbasylar, múgedekter bar, olarǵa kómek qajet. Men osyndai aktsiiaǵa alǵash ret qatysýdamyn, «Nur Otan» partiiasy úlken is atqaryp jatyr dep esepteimin. Mundai qiyn sátte adamdarǵa kómektesý óte mańyzdy. Men de óz úlesimdi qosyp, osyndai aktsiialarǵa taǵy da qatysýǵa daiynmyn», - dedi aktrisa.
Búgin «Biz Birgemiz» aktsiiasy aiasynda «Nur Otan» partiiasy men «Jas Otan» jastar qanaty belsendileriniń arasynan shyqqan volonterler búkil óńir boiynsha 700-ge jýyq adamǵa bardy. Olarǵa antiseptikalyq, gigienalyq quraldardy jáne birinshi kezekte qajetti azyq-túlik ónimderin taratty.
