Foto: inform.kz
Biyl 15 aqpannan bastap bir jyl boiy ǵylymi-zertteý jumystary úshin kiikterdi atýǵa ruqsat berilýi múmkin. Bul týraly Ekologiia jáne tabiǵi resýrstar ministrliginiń ashyq talqyǵa shyǵarǵan tiisti buiryǵynda kórsetilgen, dep habarlaidy QazAqparat.
«Beriletin limit tek ǵylymi maqsattar úshin bólinedi. Ǵylymi maqsatta kiikterdi alýǵa usynylǵan kvotalar veterinariia jónindegi ulttyq referenttik ortalyq, zoonozdyq infektsiialar institýty, QR BǴM Zoologiia institýty jáne Qazaq ǵylymi-zertteý veterinariialyq institýty úshin kepildendirilgen. Qosymsha kvotalar, onyń ishinde basqa uiymdar úshin de oblys deńgeiinde bólingen limitter sheginde bólinýi múmkin», - delingen qujatta.
Qujatqa qosymsha berilgen túsindirmede jazylǵandai, bul norma 2023 jyldyń 15 aqpanynan keler jyldyń 15 aqpanyna deiingi aralyqta ań aýlaý kezeńinde qoldanylady.
Ǵylymi maqsatta Qazaqstannyń 4 oblysy aýmaǵynda 1 815 kiikti atýǵa ruqsat berilmek.
Óńirler boiynsha bekitilýi múmkin limit:
Aqmola oblysy – 705 kiik;
Qaraǵandyda oblysy – 700 kiik;
Qostanai oblysy – 210 kiik;
Batys Qazaqstan oblysy – 200 kiik.
Eske sala keteiik, buǵan deiin Ekologiia jáne tabiǵi resýrstar ministrligi biyl kiikterdi atýǵa ruqsat berilmeitinin málimdep edi.
