Foto: Facebook.com
Ekonomikalyq resýrstardyń zańsyz shoǵyrlanýyna qarsy is-qimyl máseleleri jónindegi komissiia buryn zańǵa qaramastan tárkilenbei qalǵan el aýmaǵyndaǵy obektilerge reviziia jalǵastyryp jatyr, - dep habarlaidy Tengrinews.kz.
Búginde osyndai 36 nysan (kommertsiialyq jáne turǵyn jyljymaityn múlik, jer ýchaskeleri) anyqtalǵan.
"Shyǵys Qazaqstan oblysynda ornalasqan Hrapýnovtyń 8 jer ýchaskesin tárkileý týraly atqarýshylyq is júrgizý qozǵaldy", - dedi komissiia ókilderi.
Sondai-aq, Joǵarǵy Sot Tóleshovtiń (bilikti basyp alýǵa áreket jasaǵany úshin sottalǵan, Shymkent syra zaýytynyń burynǵy iesi) aktivterin (Shymkenttegi balabaqsha jáne Saryaǵashtaǵy profilaktorii) zańsyz qaita resimdeýdiń kúshin joiý týraly prokýratýranyń kassatsiialyq ótinishhatyn qarastyryp jatyr.
Sonymen qatar oligopoliialardyń paidasyna qabyldanǵan sot aktileri boiynsha Joǵarǵy sot satysyna 4 narazylyq keltirildi. Olardy qaita qaraý memleketke 30 milliard teńgege jýyq zalaldy óteýdi kózdeidi.
