Qazaqstandyqtar HQO-ǵa 23 tamyzdan bastap mindetti brondaýsyz bara alady. Bul rette Ashyq júiesindegi mártebeni tekserý arqyly ótkizý tártibi saqtalady, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasyna silteme jasap.
«Mindetti brondaý sanitarlyq dárigerlerdiń basty talaby boldy, mundai jumys tártibi klientterdiń bárin qabyldaýǵa múmkindik bermedi, bir apta aralyǵynda brondaý úshin bos ýaqyt tabý qiyn boldy. Qaýipsiz jáne beitarap mártebesi bar klientter endi memlekettik qyzmetterdi Mindetti aldyn ala brondaýsyz ala alady. Bul rette elektrondy tásilmen kezekke turý múmkindigi burynǵy tártipte qalady. Bul jaǵdaidaǵy klienttiń artyqshylyǵy – operatorǵa uzaq kezeksiz júgine alady. Biz kelýshilerdiń sany ósetinin túsinemiz, sondyqtan sanitarlyq qaýipsizdik sharalary týraly umytpaýlaryńyzdy suraimyz – betperde taǵyp, áleýmettik qashyqtyqty saqtańyz, sanitaizerlerdi qoldanyńyz», – dedi «Azamattarǵa arnalǵan úkimet» basqarma tóraǵasy Á. Qojyqov.
Budan basqa, «Azamattarǵa arnalǵan úkimet» memlekettik korporatsiiasy talondardy berý júiesin Ashyq-pen ózara yqpaldastyrdy. Bul klienttiń mártebesin HQO-da kezek talondaryn berý kezinde de tekserýge múmkindik beredi. Terminalda klienttiń JSN-yn terý barysynda aqparat Ashyq júiesindegi derektermen sáikestendiriledi, qaýipti mártebe anyqtalsa, baǵdarlama talondy basyp shyǵarmaidy.
