«Halyqtyń súiiktisi» ulttyq syilyǵynyń XI maýsymy bastaldy, dep habarlaidy QazAqparat.
Biyl ulttyq syilyq mynadai nominatsiialar boiynsha beriledi:
1. Úzdik pedagog,
2. Úzdik dáriger,
3. Úzdik er sportshy,
4. Úzdik áiel sportshy,
5. Jyl parlamentarii,
6. Úzdik telejúrgizýshi,
7. Úzdik pýblitsist,
8. Jyl mádeniet qairatkeri,
9. Úzdik aqparattyq internet-basylym,
10. Blogosfera kóshbasshysy
6 qazanda bastalǵan daýys berý kezeńi Facebook áleýmettik jelisinde 13 qazanǵa deiin jalǵaspaq.
«Áleýmettik jelini paidalanýshylar topqa úmitkerdiń aty-jónimen túsinikteme, onyń bir jyldaǵy jetistikteri týraly shaǵyn anyqtama bere otyryp, úmitkerlerdi usyna alady. Sodan keiin syilyqtyń qazylar alqasy 20-30 qazan aralyǵynda syilyqtyń resmi tobynda ótetin daýys berýdiń birinshi kezeńine (long-list) kiretin 5+5 júiesi boiynsha (paidalanýshylardan bes úmitker jáne qazylar alqasynan bes úmitker) 10 úmitkerdi anyqtaidy. Osydan keiin úzdik 4 úmitker daýys berýdiń sońǵy týryna shyǵady. Ol kezeń lubimec.kz saitynda ótedi», - dep jazylǵan baiqaý týraly habarlamada.
Uiymdastyrýshylarydń aitýynsha, negizgi nominatsiialardan bólek jyl metsenaty, jyl kásipkeri, jyl fermeri, jyldyń úzdik áleýmettik biznesi, jyldyń úzdik máslihat depýtaty siiaqty atalymdar boiynsha úzdikter anyqtalady. Ataýly syilyqtardyń ishinde qoǵam qairatkeri Saltanat Rahymbekova atyndaǵy «Jasyl ekonomika úshin» syilyǵy da bar.
Eske salsaq, QazAqparat «Halyq súiiktisi-2018» syilyǵyn «Jyldyń úzdik aqparattyq internet basylymy» nominatsiiasy boiynsha jeńip aldy.
