Almaty ákimi Baqytjan Saǵyntaev Naýryzbai aýdany halqymen kezdesti, dep habarlaidy QazAqparat.
Kezdesý kezinde ákim kez kelgen jerde halyq pikirin eskerýdiń mańyzdylyǵyn atap ótti.
«Baqylaý máselesi bolmai jatyr. Adamdar tarapynan merdigerlerdiń qunttamaityndyǵy jóninde shaǵym kóp. Jasap ketedi, artynan qirap jatyr. Eger jol, aryqtar jasalyp jatsa, turǵyndarmen kelisip baqylaý ornatý kerek. Kóshe turǵyndarynyń kóńili tolmasa, qabyldaý- tapsyrý aktisine qol qoiylmaidy. Kisiler sapasy durys dese ǵana qol qoiamyz», - dedi ákim.
Qala basshysy memlekettik qarjyny igerýdegi olqylyqtardy da atady.
«Prezident aitqandai, bizde kóp dúnie berilgen qarjyny tezirek igerý, esep berýmen qutylý bolyp tabylady. Jumys 100 paiyz oryndaldy, aiaqtaldy. Aiaqtalǵan eshteme joq. Tezdetip aqshany tólep tastadyq. Óitkeni, joǵary jaqqa esep berý kerek. Munyń qajeti joq. Memleket bólgen, halyq igiligine jumsalǵan qarjy bosqa ketti. Ne qarjy joq, ne jasalǵan dúnie joq. Odan da asyqpai sapaly jasalsyn. Keler jylǵa kóshetin bolsa, kóshsin. Oǵan túsinikti sebep bar», - dedi ol.
