Halyqaralyq olimpiadalardyń jeńimpazdary konkýrsqa qatyspai-aq joǵary oqý oryndaryna túsý úshin grant alady. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Halyqaralyq olimpiadalardyń jeńimpazdaryn qoldaý boiynsha toqtalsaq, olarǵa konkýrsqa qatyspai-aq joǵary oqý oryndaryna túsý úshin grant berý máselesin zańnamalyq túrde retteimiz. Sondai-aq halyqaralyq olimpiadalardyń jeńimpazdaryn yntalandyrý jáne qoldaý maqsatynda altyn medalǵa 1500 ailyq eseptik kórsetkish - biyl ol 4,5 mln teńgege jýyq, kúmiske – 1000, qolaǵa – 500 ailyq eseptik kórsetkish aqshalai birmezgil syilyqtaryn taǵaiyndaý josparlanýda», - dedi A. Aimaǵambetov.
Onyń aitýynsha, jeńimpazdardy daiyndaǵan pedagogter men tálimgerlerge tiisti birjolǵy qarjylai syiaqy berý kózdelgen.
