Qazaqstandyqtardyń 91,6 paiyzy nemese 17 428 058 adam Jalpyulttyq halyq sanaǵyna qatysty. Azamattardyń 40,4 paiyzy sanaqtan onlain, 51,2 paiyzy oflain ótti. Bul týraly Ulttyq statistika biýrosynyń basshysy Nurbolat Aidapkelov málimdedi, - dep habarlaidy Tengrinews.kz agenttigi.
"Sanaqtan ótkender sany boiynsha Almaty qalasy kósh bastap tur. Munda sanaqqa qatysqandar qatary buǵan deiin tirkelgen halyq sanyna shaqqanda 107,5 paiyzdy quraǵan. Iaǵni, qolda bar málimet boiynsha Almaty turǵyndarynyń sany 2005496 dep kórsetilgen. Al sanaq saýaldaryna 2154907 adam jaýap bergen. Demek, Halyq sanaǵy qazirdiń ózinde megapolis halqynyń naqty sanyn kórsetýge kómektesetinin senimmen aita alamyz", - dedi Nurbolat Aidapkelov.
Ekinshi orynda - Túrkistan oblysy, onda halyq sanaǵyna 98,6 paiyz nemese 2032333 adam qatysty. Úshinshi orynda Jambyl oblysy, mundaǵy sanaqtan ótkender sany halyqtyń 98,6 paiyzyn nemese 1129863 adamdy qamtidy.
