QR Strategiialyq josparlaý jáne reformalar jónindegi agenttiktiń Ulttyq statistika biýrosynyń basshysy Nurbolat Aidapkelov Ulttyq halyq sanaǵynyń aralyq qorytyndylaryn baiandady, dep habarlaidy QazAqparat.
«Ulttyq halyq sanaǵynyń bastalǵanyna bir ai boldy. Ózderińiz biletindei, búginge deiin sanaq tek onlain rejimde ótti. Bul múmkindik 15 qazanǵa deiin qoljetimdi bolatynyn atap ótkim keledi. Sanaq suraqtaryna jaýap berýdiń birneshe joly bar. Bul sanaq.gov.kz mamandandyrylǵan saity, E-Gov portaly arqyly, sondai-aq Aitu mobildi qosymshasyn paidalana otyryp avtorizatsiiadan ótýge bolady», - dedi N. Aidapkelov Ortalyq kommýnikatsiialar qyzmetinde ótken brifingide.
1 qazan saǵat 11:00-degi jaǵdai boiynsha onlain sanaqtan 6 429 018 adam nemese 33,8% azamat ótti. Atap óterligi, respondentterdiń 86 protsentten astamy smartfon arqyly sanaqtan ótken.
«Sanaqtan onlain rejimde ótkender sany boiynsha Túrkistan oblysy kósh bastap tur. Óńirdiń 865 myń turǵyny sanaqtan ótkeni týraly habarlama aldy. Almaty oblysynda 705 myń adam tirkelgen. Kóshbasshylar úshtigin Shyǵys Qazaqstan oblysy túiindeidi. Munda halyq sanaǵynyń suraqtaryna 612 myń adam jaýap berdi. Osy kórsetkish boiynsha Mańǵystaý jáne Soltústik Qazaqstan oblystaryn sońǵy oryndarda. Bul óńirlerde sanaqtan sáikesinshe 181 024 jáne 155 779 adam ótti», - deidi spiker.
Al naqty óńirdiń onlain sanaqpen qamtylǵan halqy boiynsha, Qyzylorda oblysy kósh bastap tur. Munda 48,8 % adam qamtylǵan. Ekinshi orynda Shyǵys Qazaqstan oblysy. Munda bul kórsetkish 45%-ǵa jetken.
