EQYU-nyń BAQ bostandyǵy jónindegi ókili Tereza Ribeiro pandemiia kezeńindegi BAQ pen áleýmettik jelilerdiń mańyzy týraly pikir bildirdi, dep habarlaidy QazAqparat.
«Biz eki jylǵa jýyq ýaqyt pandemiia kezeńinde ómir súrip kelemiz. Bastapqyda-aq munyń birlesken kúsh-jigerdi, airyqsha tásildi qajet etetin jahandyq syn-qater ekeni belgili boldy. Qazir de memleketter vaktsina jetkizý, vaktsina jetkizý baǵyttary jáne álem boiynsha antivakserlerdiń áreketteri syndy máselelerdi sheshýge tyrysyp jatyr», - dedi spiker Astana Media Week forýmynyń «Jańa, kovidtan keiingi álemdegi qoǵam jáne BAQ» paneldik sessiiasynda.
Tereza Ribeiro áleýmettik jelilerdiń rólin de laiyqty baǵalaý qajettigin aitty.
Óitkeni 2020 jylmen salystyrǵanda áleýmettik jelini paidalanatyndar sany 13 paiyzǵa nemese 2,4 mlrd adamǵa ulǵaiǵan.
«Koronavirýsqa bailanysty aqparat alý úshin kóptegen adamdar internetke qol jetkizdi. Sondai-aq, internet sóz bostandyǵy men tsifrlyq BAQ damytý úshin de mańyzdy. Ekinshi jaǵynan halyqtyń resmi BAQ-qa qaraǵanda áleýmettik jelige kóbirek senetini anyqtalyp otyr. Al onda feik jańalyqtardyń da bolý qaýpi joǵary. Bárimizge osy qubylystyń túrli formalaryna jaýap qatyp, jýrnalister atmosferasyna úles qosý mańyzdy. Jáne bul qoǵam úshin de, osy qurmetti mamandyq ókilderi úshin de úlken syn-qater», - dedi Tereza Bibeiro.
