Telejúrgizýshi Dinara Satjan Instagram-daǵy tikelei efir arqyly Reseidegi Máskeý memorialdyq meshitiniń imamy Shamil Aliaýtdinovpen islam ilimindegi vaktsinatsiia taqyrybyn talqylady, dep habarlaidy "Ult aqparat".
«Aramyzda antivakserler júr, ishinde dáriger de bar. Únemi adamdar arasynda kúmán seýip júredi. Islamda jalǵan aqparat taratý kúná me», - dep surady Dinara Sátjan.
«Jala jabý – islamdaǵy eń ziiandy qasietterdiń biri. Hadiste ótirikshi adamnyń dini senim iesi bola almaityny aitylǵan. 6 aiattyń 49 súresin boiynsha, sizge repýtatsiiasy túsiniksiz, kúnáhar adam kelse jáne qandai da bir jaǵdaiǵa, adamdarǵa degen kózqarasyńyzdy jaǵymsyz jaqqa ózgerte alatyn málimet berse, bul jaǵdaidy ashyp, mánin túsinýińiz kerek. Iaǵni, mán-jaidy aiqyndaý kerek. Eger asyǵys qorytyndy jasasańyz, bireýge ziian keltirip, sońynda ókinip qalýyńyz múmkin», - dep túsindirdi imam.
Imamnyń aitýyna qaraǵanda islamda kez-kelgen jaǵdaida qandai-da bir túrde ótirik aitýǵa jol berilmeýi kerek jáne ol kúná bolyp sanalady.
«Quranda adam bilim alyp, biraq ony qoldanbasa, iaǵni, miyn iske qospasa, paidaly bilimdi zerttemese, ol esekke uqsaidy dep aitylady. Qazirgi tańda túrli pikirler bar. Sonyń bárin oqyńyz, qorytyndy jasańyz. Biraq bireýdi qorlaýdyń jáne kemsitýdiń qajeti joq. Bul - tómen deńgeige túsý», - dedi Shamil Aliaýtdinov.
