Aqtaýda Habib Nýrmagomedov qatysqan týrnirde politseidi iterip jibergen uiymdastyrýshy (Arman Týgaev - red.) 10 táýlikke qamaýǵa alyndy. Bul týraly Mańǵystaý oblysynyń politsiia departamentinen málimdedi, - dep habarlaidy Massaget.kz.
16 shildede Aqtaýda halyqaralyq týrnir ótip, oǵan UFC-diń burynǵy chempiony Habib Nýrmagomedov qonaq retinde qatysty.
"Kelesi kúni áleýmettik jelilerde uiymdastyrýshylardyń biri qoǵamdyq tártipti saqtaýǵa qatysqan politsiia qyzmetkerin iterip jibergen video tarady. Videodaǵy adamnyń jeke basy anyqtalyp, ol Aqtaý qalalyq politsiia basqarmasyna jetkizildi. Oǵan qatysty QR ÁQBtK-niń 434-baby 1-bóligi ("Usaq buzaqylyq") boiynsha ákimshilik hattama toltyryldy. Material ákimshilik sotqa jiberildi", - dedi politsiiadaǵylar.
Ákimshilik sot sheshimi boiynsha Aqtaý qalasynyń arnaiy qabyldaý ornynda 10 táýlikke qamaýǵa alý týraly qaýly qabyldandy.
Eske salaiyq, Naiza 41 h Eagle 48 MMA boiynsha halyqaralyq týrnir aiaqtalǵannan keiin Aqtaý jaǵalaýynda jankúierler UFC eks-chempiony Habib Nýrmagomedovqa qarai júgirgen.
Olar Habibti qorshap alǵan, alaida sportshynyń qasynda júrgen kúzetshiler men politseiler oǵan jaqyndatpai, sportshyny kólikke alyp ketken.
