Almatyda IIM akademiiasynda «Din men dəstúr sabaqtastyǵy jəne dini terrorizmmen kúres» taqyrybynda arnaiy dáris ótti.
Qala ákimshiliginiń uiymdastyrýymen ótkizilgen sharada Ál-Farabi atyndaǵy Qazaq ulttyq ýniversiteti TÚRKSOI kafedrasynyń dotsenti, filologiia ǵylymdarynyń kandidaty Tóráli Qydyr qatysty.
Sarapshy dáristi tyńdaǵan 20 ofitserge Islam əlemindegi búgingi dini-saiasi ahýal jəne onyń Ortalyq Aziiaǵa, sonyń ishinde Qazaqstanǵa yqpaly týraly aitty.
«Búginde islam áleminiń ilimin filosoftar ekige bóledi: zahiri ilimder jáne batini ilimder. Zahiri – kózge kórinetin syrtqy bilim jáne batini – asyl, qupiia, ishki júrekte bolatyn ilim. Jat aǵymdardyń shyǵýyna syrtqy ilimderdiń alǵa ketip qalyp, adamnyń ishki jan dúniesi, júrek máselesi ekinshi orynǵa qalyp qoiǵannan bolyp otyr. Budan tek Qazaqstan ǵana emes álemniń kóptegen musylman elderi zardap shegip otyr. Kei dini aǵymdar tipti saiasilanyp jatyr. Kei jastarymyz áleýmettik jeli arqyly nemese tikelei sheihtardan bilim alyp jatyr. Problema bar», - dedi Tóráli Qydyr.
Dáristi tyńdaǵan ofitserler teris aǵym yqpalymen qalai kúresý joldaryn surady.
Sarapshy olarǵa teris aǵymdaǵylardyń syrtqy atribýtikalarynan bastap, dúnietanymy men, aqidasynyń erekshelikterin aityp berdi.
Dintanýshy Islam elderindegi dini saiasi ahýal, DAISh dúrbeleńi, Aýǵanstandaǵy Taliban qozǵalysy týraly aitty.
