Birqatar óńirde muǵalimderge eńbekaqy men eńbek demalysy aqysyn tóleýde kemshilikter bar. Bul týraly QR BǴM Bilim jáne ǵylym salasyndaǵy baqylaý komitetiniń tóraiymy Gúlzat Kóbenova aitty, dep habarlaidy QazAqparat.
«Komitet jáne óńirlik departamentter búgingi kúni pedagogterge jalaqyny jáne demalys eńbekaqysyn tóleýge monitoring júrgizip otyr. 1 aptanyń ishinde birqatar shara qabyldandy. Degenmen, áli de kemshilikter bar. Birinshiden, búgingi kúni deartamentter monitoring júrgizip, onyń nátijesinde óńirlerdegi eńbek inspektsiialaryna kemshilikter bar óńirlerge hattar joldandy. Endi tekseris bastalady. Ekinshiden, óńirler boiynsha qarjylandyrý josparlaryna ózgerister engizildi. 25 maýsymda eńbekaqyny tóleý aiaqtalady dep josparlanǵan. Úshinshiden, kemshilik jiberilgen óńirlerde jaýapty tulǵalarǵa tártiptik jaza qoldanylyp otyr», - dedi ol ministrliktiń apparat jinalysy barysynda.
Onyń dereginshe, 10 jaǵdai boiynsha aýdandyq jáne óńirlik bólim basshylaryna, mektep direktorlaryna, býhgalter jáne ekonomisterge tisti shara qoldanylǵan.
«Álide óńirlerde qyzmettik tekserý júrgizilip jatyr. Ókinishke orai búgingi kúni úsh óńir boiynsha jaǵdai ózgerissiz tur. Olar: Aqmola, Mańǵystaý jáne Túrkistan oblystary. Al taǵy 7 óńirde kemshilikter bar. Sondyqtan aldaǵy ýaqyttada monitoringti jalǵastyramyz», - dedi Gúlzat Kóbenova.
