Koronavirýspen aýyrsa da, aǵzasynda antidene qalyptaspaityn adamdar bar. Olardyń naqty sanaty belgili me? Ortalyq kommýnikatsiialar qyzmetinde meditsina mamandaryna osyndai saýal qoiyldy, dep habarlaidy "Ult aqparat".
Profilaktikalyq meditsina akademiiasynyń prezidenti, Amerika densaýlyq saqtaý qaýymdastyǵynyń múshesi Almaz Sharman ǵalymdar bul máseleni zerttep jatqanyn, ázirge ondai adamdardyń sanaty týraly naqty statistika joq ekenin aitty.
Al joǵary sanatty infektsionist, meditsina ǵylymdarynyń kandidaty Sáýle Atyǵaeva immýndyq júiesinde aqaýy bar adamdar antideneler shyǵarmaidy dep boljaý qisyndy ekenin aitady.
«Bastapqy jáne qaitalama immýn tapshylyǵy bar naýqastar inaktivtendirilgen virýsqa da, virýstyń RNQ-bólikterinen jasalǵan vaktsinaǵa jaýap qata almaidy. Negizinen, bul sozylmaly syrqatpen jii aýyratyn jáne sonyń saldarynan dárini kóp ishetin adamdarda nemese immýn tapshylyǵyn týdyratyn emdeý áserine túsken adamdarda kezdesedi. Osy sanattaǵy adamdardyń aǵzasy antideneler shyǵarmaidy. Sondai-aq, vaktsina alǵan adamdardyń 5%-y aýrýdyń qozdyrǵyshyna qarsy eshqandai antidene shyǵarmaidy», - dep túsindirdi Sáýle Atyǵaeva.
