Foto: videodan skrinshot
Túrkistan oblysynyń Kentaý qalasynda qoǵamdyq tamaqtaný ornynda bolǵan jarylys saldarynan jaraqat alǵan úsh adam Shymkent qalasyndaǵy meditsinalyq mekemelerge jetkizildi, dep habarlaidy Ult.kz.
Densaýlyq saqtaý organdarynyń málimetinshe, 20 jastaǵy jigit aýyr jaǵdaida Kentaý qalalyq ortalyq aýrýhanasynyń jansaqtaý bóliminde jatyr. Dárigerler onyń háli áli de aýyr ekenin aityp otyr.
Eske sala keteiik, qaiǵyly oqiǵa 1 qańtarǵa qaraǵan túni bes qabatty turǵyn úidiń birinshi qabatynda ornalasqan dámhanada bolǵan. Gaz-aýa qospasynyń jarylýy saldarynan órt shyǵyp, oqiǵa ornynda jumys istegen 18 jastaǵy boijetken kóz jumdy. Taǵy tórt adam túrli deńgeidegi jaraqat alǵan.
