Qazaqstannyń mádeniet qairatkeri, halyq aǵartý isiniń úzdigi, eńbek ardageri jáne ulaǵatty ustaz Tórtken Kenenqyzy dúnieden ótti. Qaraly habarǵa bailanysty QR Mádeniet jáne aqparat ministrligi marqumnyń týǵan-týystary men jaqyndaryna, shákirtterine, ziialy qaýym ókilderi men barsha halqyna kóńil aitty, dep habarlaidy ult.kz dalanews.kz saityna siltep.
Tórtken Kenenqyzy sanaly ǵumyryn jas urpaqtyń tárbiesine, bilim berý isine jáne ulttyq mádenietti dáripteýge arnady. Ol ustazdyq jolynda talai shákirtke ana tili men ádebiettiń qadirin uǵyndyryp, ulttyq qundylyqtarǵa degen qurmet qalyptastyrdy.
Halyq aqyny, ánshi ári kompozitor Kenen Ázirbaevtyń perzenti retinde áke murasyna erekshe janashyrlyq tanytty. Tórtken Kenenqyzy Kenenniń ánderi men jyrlaryn jinaýǵa, zertteýge jáne olardy keiingi urpaqqa jetkizýge eleýli úles qosty.
Ministrlik marqumnyń ustazdyq ónegesi, ónerge adaldyǵy jáne ulttyq rýhaniiatqa sińirgen eńbegi keiingi býynǵa úlgi bolyp qala beretinin atap ótti.
"Asyldyń synyǵy bolǵan ardaqty ananyń ǵibratty ǵumyry men jarqyn beinesi halyq jadynda máńgi saqtalady", – delingen kóńil aitý mátininde.
Marqumnyń jany jánnatta, imany salamat, topyraǵy torqa bolsyn.
